International Film Festival-ah ‘Memories of a Forgotten War’ chhuah

Goa-a 47th International Film Festival of India (IFFI) neih mekah, kum1944-a hmarchhak hmun hrang hranga indona thleng tarlanna ‘Memories of a Forgotten War' documentary film chhuah a ni.

He documentary hi Utpal Borpujari kutchhuak a ni a, minute 109 a awh a ni. ‘Memories of a Forgotten War’-ah hian Japan sipai ten India hmarchhak lak tuma an beih dan te, British sipai bakah Allied forces-te'n Kohima leh Imphal aṭanga an lo do let dan te tarlan a ni. A buaipuitute chuan hetih hun laia indo hmachhawntu zinga la damte chu interview an neihpui bawk a, heng mite hi kum 90 chuang an ni tawh hlawm a, UK leh Japana-ah te an khawsa a ni. Documentary-ah hian Netaji Subhas Chandra Bose-a kaihhruai Indian National Army-te chetdan ṭhenkhat tarlan a ni bawk a, Japan sipai laka an chetdan hmuhnawm leh ngaihnawm tak tarlan a ni.