London Derby Chelsea mikhual tur Tottenham
Zanin dar 11:30 hian Pre-mier League season kal meka hneh loh la tawng lo awm chhun Tottenham Hotspur chu Chelsea khelmual Stamford Bridge-ah an lenglut dawn. Zan tirah Pep Guardiola enkawl Manchester City leh Burnley an inkhel ang a; Pathianni zanah Arsenal chuan Bournemouth an lo mikhual bawk ang.
Goal ven thiam pahnih
September 24 khan Arsenal khelmual Emirates Stadium-ah Chelsea 3-0 in an mualpho. Antonio Conte-a'n manager hmasa Jose Mourinho khelhtir ṭhin dan thlakin Italy lama a lo hman thiam tawh 3-4-3 formation hmangin a naute a remkhawm ṭan a, hemi hnuah an chesual nawn tawh lo. Blues hian a zawnin match ruk chhung hnehna an chang tawh a, goal 17 khungin an lamah a lut miah lo.
Chelsea hian Premier League top scorer nilai Diego Costa (10 goals) an nei. Costa hian tun season-ah yellow card vawi li a hmu tawh avangin Spurs lakah hian a hmu leh a nih chuan match khat khel thei lo tura hrem theih a ni ang. Chelsea hian Costa bakah goal sarih khung tawh Eden Hazard an nei bawk. Spurs laka a
ṭhiante goal khung tur vawi 11 siamsak tawh Cesc Fabre-gas pawh a ṭul a nih chuan chhawr theih a nih tawh beisei a ni.
Season hmasa khan Totten-ham-in goal an venhim thiam an chhawr ṭangkai tawh a. Tun season-ah pawh Spurs hian goal riat chiah la chhuahin anni aia chhuak tlem an awm lo. League match 12-ah chak loh an la nei lo a, chutihrualin vawi ruk ngawt an khingpuite an inhnehtawkpui tawh avangin point 24 hmuin hmahruaitu Chelsea hi point liin an phak lo mek.
Tottenham hi Champions League group aṭanga pet chhuah an ni. Mauricio Pochettino naute hian Europe lama an result ṭha lo an kalsan nghal duh a nih chuan striker Harry Kane a pawimawh leh ang. England international hi hliam vanga hun rei tak a chawlh hnuah tun hnaiah a lo kir a, a match hnu-hnung pathumah goal li a khung.
Chelsea leh Spurs hi an intawn hnuhnung ber chu kum-in May thla kha niin, striker Kane leh Son Heung-min te goal hmanga Spurs-in 2-0 a hma an hruai hnuah Chelsea hian Gary Cahill leh Eden Hazard te hmanga sutin 2-2 in an inhnehtawk. Club pahnihte hi tum hmain inelna hrang hrangah ṭum 155 an lo inhmachhawn tawh. Chelsea hi record nei
ṭha zawk niin vawi 65 hnehna an chang tawh a, vawi 50 chu a chak lo zawk-ah ṭangin ṭum 40 zet chu an in-hnehtawk thung.
Inkhel dang
Inrinni zan dar 6:00 a Man-chester City-in Burnley an lenchilh hunah City captain Vincent Kompany chu khup hliam vangin a inlan thei dawn lo a, karhmasa league match-a goal hnih khngtu Yaya Toure chuan inkhel bul a ṭan beisei a ni. Midfielder Toure hi Champions Legue squad-a telh a nih loh avangin hahchawlhna hun a nei a, a lut a nih chuan player
ṭangkai a ni leh ang.
League match bikah chuan Burnley hian City lakah chhuan tur an nei chau hle, an intawn hnuhnung 11-ah vawi khat chiah hnehna an chang ve. An chak chhun erawh an intawn hnuhnung ber kum 2015 March thla kha niin 1-0 in an chak.
Arsene Wenger-a'n Cham-pions League-ah an duhthusama ṭha result nei thei lo mah se buaina tur a awm loh thu leh league lamah result ṭha an neih zui a beisei thu a sawi. Gunners hi a zawna match 18 chhung chak loh nei lo a kaltluang lai an nih avangin Pathianni zan dar 7:45-a an mikhual tur Bour-nemouth tan fimkhur a ṭul ang.