Barca hi keimaha innghat a ni lo - Messi

Lionel Messi chuan Barcelona chu amaha innghat a nih loh thu leh a awm lo anih pawhin club tan buaina a awm loh thu a sawi chuak.

Kartawp La Liga in-khelah Barcelona hi Ma-laga nen goal awm loin an inhnehtawk a, hemi ṭum hian Messi chu damlohna vangin a inlan lo. Messi hi Champions League-ah a rawn kir a, goal hnih khungin Celtic lakah 2-0 in hnehna a chanpui leh nghal. Kum 29-a upa Messi hian tun season-ah Barcelona tan inelna hrang hrangah goal 18 a khung tawh a, club tana goal khung hnem ber a ni.

Messi chuan, "Fakna thu ka dawng fo a, kan club hi keimaha innghat ang maia sawi te pawh a awm ṭhin. Ka ngaihdan chuan hei chu thu dik lo a ni. Khawvela team ṭha berah ka khel a, he team hi player pakhata innghat chi a ni lo," tiin a sawi.

Argentina hian Barce-lona-a a hmalam hun an zawhna chu chhanzui tur awma a hriat loh thu a sawi bakah kartawpa Real Socieded an hmachhawn tur chu a hautak dawn hlea a hriat thu a sawi bawk.

Barcelona fachuam Messi chuan, "Kum 2007 hnu lamah Real Sociedad khelmualah hian hnehna kan la chang leh lo a, team inlungrual leh thawkho
ṭha tak an nih avangin hma-chhawn an harsa thei hle," tiin an khingpui tur a fak.

Champion lai Bar-ce-lona hian league match 12 khelh tawh aṭangin point 26 an hmu tawh a, hmahruaitu Real Madrid nen an inthlauhna chu point li a ni mek - Pathianni zan dar 1:15 hian Real Sociedad khelmualah an lenglut ang.