Jurgen Klopp-a hlauthawng

Liverpool manager Jurgen Klopp chuan Steven Gerrard-a'n inkhelh a chawlh-san thu a puan avangin Reds legend chanchinthar chuan zanin dar 8:30-a Sunderland nena an inkhel tur boruak chu a luahlan palh ang tih a hlauhthawn thu a sawi.

German coach hian Ningani khan Black Cats nena an inkhel tur inbuatsaih nan media a hmachhawn a, he huna an zawhna tam zawk chu Gerrard-a hmalam hun chungchang a ni. Klopp chuan, "Sunderland lakah point kan hlawh chhuak tawh ang maiin in ngaihsak lo a, Gerrard ringawt in ngaihtuah. Mahse, in ngaihdan ang ringawt a ni lo. Sunderland hian Jermain Defoe leh Victor Anichebe an nei a ni," a ti.

Klopp chuan striker pahnih chu fakin, "Defoe hi chu kan hre vek a, striker ṭha, tawnhriat ngah leh che rang tak a ni a, Anichebe hi striker tharum ngah tak a ni bawk. Black Cats hian an match hnuhnung pahnihah hnehna an chan bawk avangin tuna kan dinhmun luah reng tur chuan hma kan sawn a ṭul ang," tiin Sunderland chungchang a sawi.