Gareth Bale a inhliam leh ta

Real Madrid forward Gareth Bale chu karleh Thawhlehni khian a kerek hliam vangin zai a ni dawn a, thla li tal chawl tura ngaih a ni. Kum 27-a upa forward hi Champions League-a Sporting Lisbon 2-1 a an hneh ṭumin hliam vangin lakchhuah a ni.

Bale-a hliam hi London khaw-puiah enkawl a ni dawn a, an hmelma kumhlun Barcelona nen December 3 zana El Clasico an khelh turah a inlan thei dawn lo a, Wales tan 2018 World Cup qualifier-a Republic of Ireland nen March 24-a an inkhelh turah a dinhmun a chiang lo bawk.

Wales forward hian October khan kum 2022 thleng Santiago Bernabeu-a cham turin contract thar a ziak a, August aṭang khan ram leh club tan vawi 20 inlanin goal 11 a khung tawh. Bale-a khelhna Real hian zanin dar 8:45-ah La Liga lama an hmahruaina chhawm nun zel tumin Sporting de Gijon an mikhual ang.