PV Sindhu leh Saina Nehwal an tlang

Indian shuttler PV Sin-dhu leh Saina Nehwal te chuan harsatna nei loin Hong Kong Open Super Series tournament khelh mek--ah quarterfinal an lut a, nimin khan Sindhu hian semi--final a lut zui leh nghal bawk.

Ningania inkhelah Chi-na Open champion hlim Sindhu hian Chinese Taipei nula Hsu Ya Ching chu 21-10, 21-14 in a hneh. Inkhel dangah Saina chuan Japan shuttler Sayaka Sato chu 21-18, 9-21, 21-16 in a hneh ve bawk.

World Championship-a bronze medal vawi hnih dawng tawh Sindhu hian nimin khan quarterfinal-ah Xiaoyu Liang hma-chhawn zui lehin darkar khat leh minute 19 chhungin 21-17, 21-23, 21-18 in hnehna a chang.

Seeded pangana Saina hian nimin tlai khan Cheung Ngan Yi a hmachhawn ve leh thung ang a, semifinal a lut a nih chuan Sindhu nen an inhmachhawn zui thei dawn tihna a ni.

Mipa lamah Ajay Jaya-ram chuan Huang Yuxiang lakah 21-18, 21-19 in hnehna a chang a, National champion Sameer Verma chuan Kazumasa Sakai chu 19-21, 21-15, 21-11 in a hneh thung. Jayaram hian khawtual tlangval Ng Ka Long Angus a hmachhawn leh ang.