Match thum atan Drinkwater an hrem

Inrinni zana Leicester City-in Watford an hneh loh ṭuma Valon Behrami nghawk luitu Foxes midfielder Danny Drinkwater chu match thum chhung khel thei lo tura hrem a ni. Football Association chuan English midfielder hi inkhelh laia tharum thawh thubuai an siamsak a, Drinkwater hian khinlet a tum loh avangin match thum chhung a inkhel thei dawn ta lo a ni.

Drinkwater chet dan hi match official lamin hmu lo mah se video replay-ah hmuh a ni a, Premier League-a zanin dar 8:30-a Middles-brough an hmachhawn huna a inlan theih dawn loh bakah Sunderland leh Manchester City nen an inkhelh hunah pawh a inlan thei lo ang.