Croatia rinkai zawk an ni - Del Potro

Nizan aṭang khan ram leh ram mipa tennis team hmanga inelna Davis Cup final chu Zagreb-ah khelh niin Croatia leh Argentina an inhmachhawn a, zanin leh Pathianni zanah khelh chhunzawm a ni ang. US Open champion hlui Juan Martin del Potro chuan Croa-tia chu champion tura rinkai zawk an nih thu a sawi.

Argentina tlangval Del Potro chuan, "Kan ram tan no-mawi chawi kan duh a, player zawng zawngin theihtawp kan chhuah vek dawn tih chu a chiang. Chutihrualin kan khing-pui tur Croatia hi team ṭha an ni a, player
ṭha tak tak awmkhawm an nih bakah an rama inkhel tur kan nih avangin chak zawk tura rinkai an ni," tiin a sawi.

Kum 2005 Davis Cup cham-pion Croatia player pawi-mawh Marin Cilic chuan, "Rinkai a awm theih bik loh ang, final lut thei team-ah chuan a ṭha lo zawk a awm theih loh. Singles leh doubles khel tur kan intiattawk hlawm hle a, inkhel awlsam a awm lo ang," tiin a sawi ve thung.