Super Saturday Zan dar 7-ah Chanmari vs AFC

Mizoram Premier Lea-gue final hnuhnung pa--hniha inhmachhawn Chanmari FC leh Aizawl FC te zanin dar 7:00 hian Lam--mualah an intawng dawn.

Zanin inkhel hi MPL5-a league round match hnu-hnung ber a ni. Chanmari FC tan hma-hruaitu ni turin Aizawl FC draw a tawk a, Lal-sangzuala Hmar hoten K. Malsawmkima hote an hneh a nih chuan semifinal-ah an inhmachhawn leh dawn tih a chiang.

AFC hneh kan duh - Mawitea

Chanmari FC mana-ger Mawitea chuan, "Semifinal-a kan hma-chhawn tur lam kan ngaih-tuah lo, Aizawl FC hneh hi kan duh," tiin an khingpui tur aiin result
ṭha an ngai pawimawh.

Sanga hote hi semi-final-ah Bethlehem Vengthlang nen an in-tawng thei tawh lo a, an result a zirin I League club emaw Chanmari West an la hmachhawn thei thung.

Chanmari FC-in an match hnuhnung berah game ṭha tak nen Ramhlun North 2-0 in an hneh a, hemi ṭum hian Ivorian forward hmuhnawm Leonce Dodoz-a'n assist vawi hnih neiin Mal-sawmfela'n goal hnih a khung. Ramhlun South tlangval hian MPL-ah goal kua lai khung tawh mah se top scorer a ni tawh lo, Chanmari West captain Laldampuia'n goal 10 a khung tawh.

Final-ah kan hneh - Mala

Aizawl FC coach K. Malsawmkima chuan, "Chanmari FC hi team ṭha tak an ni a, player pawh an nei ṭha. Amaherawhchu he team hi MFA Super Cup final-ah kan hneh," tiin awmze nei takin inkhel tur a thlir lawk.

Mala kaihhruaina hnuai-ah Aizawl FC-in Chanmari FC kut aṭangin MPL no-mawi an chhuhsak a, sea-son liam ta MPL final-ah Spanish manager Manuel Retamero hoin I League club an chak leh bawk.

Kumin I Day Football group stage-ah Chanmari FC an chak a, inelnaa champion erawh AFC an ni. MFA Super Cup final-ah team ṭha pahnih hi an intawng leh a, Mala thusawi angin Aizawl FC-in hnehna an chang.