Kanan leh SYS ten semifinal an lut

Zawlbuk Zodin Memorial MFA U17 League-ah nimin khan Kanan FC leh SYS FC ten an khingpui hnehin semifinal an lut. Kanan FC-in quarterfinal-ah Saikhamakawn an hmachhawn a, hun pangngaiah 3-3 niin penalty shootout-ah 11-10 in an chak hram.

Team ṭha bera ngaih SYS FC-in semifinal lut turin harsatna an tawk lo a, MLS FC chu 5-1 in an sawp. SYS-a naupangte hi Regional Sports Training Centre, Saidan-a awmte an ni hlawm a, nimin inkhelah Benjamin Lallawmawma'n goal li ngawt a khung.

Semifinal hi November 1, Inrinni hian RG Stadium-ah khelh tur a ni a, chhun dar 12:00-ah SYS FC leh Aizawl FC te an inkhel ang. Zirtawpni khan semifinal khel turin Aizawl FC leh Dinthar FC te an inpettling tawh a, anni hian Inrinni chawhma dar 10:00-ah final khel tur an zawng ang.