Mizoramin Sikim an hneh

Board of Control for Cricket in India (BCCI) hnuaia inelna - Women's U-19 T20 Trophy 2025 Plate Group match pahnihna chu nimin khan khelh niin, Mizoram chuan Sikkim chu run 101-in an hneh.

Ṭhum vawrah Sikkim an vannnei zawk a, vawm hmasak an thlang. Mizoramin over 20 chhungin run 141 siamin wicket pali an hloh a. Opener Vanlalruatpuii'n ball 66-ah run 92 zet a siam a, Karie Chakma-in run 27 a siam bawk.

2nd innings-ah Mizoramin over 13.1 chhungin Sikkim an vawm hlum vek a, run 40 chiah an tlin thei a. Mizoram tan captain Jacinta Lalṭanpuii'n wicket thum a la a, Saron Lalremkimi leh Sandhia Rai te'n wicket hnih ve ve an lain Jessica Lalmuanpuii leh Lalnunmawii te'n wicket khat ve ve an la bawk.

Mizoram hian an match hmasa zawkah Nagaland an lo hneh tawh a, Nilainiah Manipur nen an inhmachhawn zui leh ang.