Final-ah PV Sindhu vanduai

Nimin khan Hong Kong Open Super Series final khelh niin India chuanvawr PV Sindhu chu Chinese Taipei nula Tai Tzu Ying lakah a vanduai.

China Open champion hlim Sindhu hian beiseina sang tak nen Hong Kong Open final khel mah se 15-21, 17-21 in a chak lo zawkah a ṭang a, Tzu Ying nen an intawn tawhna zawng zawngah 5-3 in a hnufual zawkah a ṭang chhunzawm.

World number 3 Tzu Ying hi tun hnaiah a khel ṭha thei hle a, semifinal-ah world number 1 Carolina Marin hnehin tun hnaiah Marin lakah hian vawi hnih hnehna a chang tawh.

Kumin China Open-ah hian world number 1 hlui Saina Nehwal pawh a inlan a, khup hliam a dam hnua rawn kir hlim Saina hi quarterfinal-ah Hong Kong shuttler Cheung Ngan Yi lakah 8-21, 21-18, 19-21 in a chak lo.