Ramhlun Venglai an chak

Mahuma Memorial Cricket Tournament khelh mekah Inrinni khan Ramhlun Venglai chuan run thumin Chhinga Veng an hneh hram. Ramhlun Venglai hian over 40-ah run 174 siamin mi pasarih an hloh a, Dibakar Dibakar (38 runs) bakah ball 21 hmachhawna run 31 siama a tawp thleng dam Lalchhuanliana te chu player langsar an ni.

Chhinga Veng tan ball 36-a hmachhawna run 43 vaw chhuaktu William Pachuau che ṭha viau mah se a ṭhiante zingah thlawptu a nei ṭha tawk lo a, over 38.4-ah run 171 tlina an vaia out vekin uiawm takin an chak zo lo. Vawiin chawhma dar 9:15-ah Chanmarians leh Zarkawt Lords an inkhel chhunzawm ve leh ang.