Monaco an kal zel

Champions League aṭanga Tottenham pet chhuaktu AS Monaco chuan an khelh ṭhat an chhunzawm zel. Inrinni zan French Ligue 1 inkhelah Monaco hian Marseille chu 4-0 in an sawp.

Monaco tan hian Valere Germain chuan goal hnih a khung bakah Gabriel Boschilia leh Guido Carrillo ten goal khat ve ve an khung bawk. Monaco hian match 14 khel tawhin anmahni aia match khata khel tlem zawk Nice nen point 32 ve ve an hmu.

Kum 2000 hnua a vawi khat nan Monaco hian league nomawi an beisei leh mek a, inelna hrang hrangah match riat chung hneh loh an tawng tawh lo a, tun hnai an match parukah phei chuan an chak vek. Hetih lai hian Marseille erawh an coach Rudi Garcia thar hnuaiah vawi khat chiah chak ni hmel la hmuin hmahruaitu Monaco an phak lohna chu point 15 zet a ni tawh.