Hmasawnna tur kan nei - Montella

AC Milan coach Vin-cenzo Montella chuan Em-poli 4-1 in sawp thei mah se a naute khelh danah hma-sawnna tur a la tam hlea a hriat thu a sawi chhuak.

Inrinni zan Serie A inkhelah Milan hian Gianluca Lapadula goal hnih bakah Suso-a'n goal khat khungin Andrea Costa chuan an lamah a ti lut bawk. Milan hian tun hnaiah a zawna league match thum chhung hnehna changin point 29 an hmu ta a, hmahruaitu Juventus an phak lohna chu point li a ni mek.

Montella chuan, "In-rintawkna kan hloh nasa a, ka naute an tlan tam tawk loh bakah tihsual an ngah hle. A bik takin first half-ah phei kha chuan kan vanneih vang chauha talbuai lo mai kan ni, hnehna kan chang a, a lawmawm. Chutihrualin hmasawnna tur kan la ngah hle," tiin a sawi.