Villa-ah Cash a nghet

Aston Villa defender Matty Cash chuan contract thar a ziak a, an inremna hi kum thum leh a chanve daih niin kum 2026 thleng chu Villa Park-ah a khel chhunzawm dawn tihna a ni.

Poland international hian kum 2020 khan Nottingham Forest aṭangin Villa hi a zawm a, inelna hrang hrangah match 193 khelhsak tawhin Unai Emery enkawlna hnuaiah hmun pawimawh a chang mek.

Cash-a contract hmasa kha khum 2027-a tawp tur a ni a, an inremna thar hian Villa tana a inpekzia a tifiah - kar tawp Premier League inkhela Manchester City an hneh ṭum khan goal awmchhun a khung, tun season chhunga goal hnih a khungna a ni.

Kum 28 mi Cash chuan, "Villa Park hi nuam ka ti a, inrintawkna sang tak nen ka inkhel thei. Goal venhim bakah khung tura pet te hi a nuam ka ti, a bik takin tun hnaiah ka phurin nuam ka ti zual," tiin a sawi.

Cash hian kum 2021 aṭang khan an ram Poland ai a awh ṭan a, World Cup 2022 pawh khan an ram tana feh chhuak zingah a tel.