School Games-ah Khawngaihi a chak

Nimin aṭang khan 69th National School Games Boxing U-17 Boys & Girls Championship 2025 chu Arunachal Pradesh-ah khelh ṭan a ni a, 42-44 kg category-ah K. Lalkhawngaihi chuan a khingpui Harsita (Madhya Pradesh) hnehin bul a ṭan. Inelna ṭan ni hian Mizo boxer pahnih an inlan a, Freddy Vanlalpeksanga erawh Arnav Choudhury (Himachal Pradesh) lakah a vanduai thung.

Mizoram aiawhte hi Sports & Youth Services Department leh Directorate of School Education Department ṭangkawpin an tir a, SYS coach Lalfakzuala leh R. Lalbiaksangi ten an hruai. Vawiinah boxer tam zawk an inlan ang.