Carvajal inlan tawh dawn rih lo

Real Madrid captain Dani Carvajal chu a khup ding lam hliam zai a ni dawn a, kumin chhung chu Spanish fullback hi a inlan a rinawm tawh lo.

Kum 33 mi defender hian tun season-ah La Liga match 10 aṭangin match sarih a khel hman a, El Clasico-ah pawh khan bench aṭangin a lut.

Mahse, a khup hliam chu zai law law turin thutlukna siam a ni ta a, kumin chu a inlan hmel ta lo - season hmasa khan hliam vangin a inlan meuh tawh lo bawk.

Real chuan thuchhuah siamin, "Kan captain Carvajal-a hliam chu en dik a nih hnuah, a khup dinglam hliam hi a na hle tih hmuchhuah a ni a, zai mai a ngai dawn a ni," an ti.

Madrid khaw club hian Liverpool aṭangin right back Trent Alexander Arnold an la lut a, mahse, Liverpool fullback hlui hi malpui hliam vangin a chawl reng - tunah erawh club training a zawm leh tawh.