Norrie lakah Alcaraz chak lo

Paris Masters khelh laiah Carlos Alcaraz chu hneh nei loin a tla - Spanish star hi champion tura rinkai ni mah se Cameron Norrie hneh loin a match hmasa berah a zinkawng a tawp nghal a ni.

Thawhlehni zan Centre Court-a inkhelah, seeded pakhatna Alcaraz hian set khatna chu harsa vak loin a la. Mahse, a hnuhnung pahnihah erawh a service a hloh a, inkhel inhnehtawk takah 4-6, 6-3, 6-4 in a chak lo.

ATP Masters 1000 huangah chuan Alcaraz hi match 17 chhung chak zawn thei a ni a, inrintawkna a nei sangin mipui rin pawh a hlawh. Amaherawhchu, tun season chhunga nomawi pakua chawi a beiseina chu a thamral ta rih a ni.

British tlangval Norrie chuan, "Ka tan chuan hnehna ropui bik a ni, hliam damkawr ka ni a, set ka hloh hmasa hnuah ropui takin ka tho chhuak, ka theihnghilh tawh dawn lo," tiin a sawi a, atan hun chhinchhiah tlak a ni.

Norrie hian a match lehpekah chuan Valentin Vacherot leh Arthur Rinderknech te inkhela chak zawk a hmachhawn leh ang, nizan khan Vacherot leh Rinderknech te an inkhel a, result erawh kan hre hman lo.

Chak lo zawk Alcaraz chuan, "Tennis ka khelh ve tawh chinah chuan khum khat anga chhutin ka chet ṭhat ber ṭum a ni hial ang, inrintawkna sang leh beiseina sang tak nen inelna ka hmachhawn.

"Ka team lam pawhin ka chungah rinna an nghat ngam, a bik takin tun hnaiah ka khelh ṭhat zawn rei avangin hetianga ka chak loh mai hi ka ring phak lo, inenfiahna lai tur ka ngah hle tihna a ni," tiin a sawi.

Alcaraz hian tun season chhunga a hnuhnung atan ATP Finals a khel leh dawn a, mimala tournament a khelh hnuhnung a ni ang. An ram Spain tan Davis Cup khelh a la hmabak bawk, a hmawr bawk fuh ngei a tum ang.