Pogba a inkhel thei dawn hnai

AS Monaco manager Sebastien Pocognoli chuan an midfielder Paul Pogba chu an chhawr thei hnai tih a sawi a, a inkhelh leh ṭan hun tur tak erawh a sawi chiang thei rih lo thung.

Damdawi hman phal loh hman vangin Pogba hi hrem a ni a, kum 2023 September hnu lamah match pangngai a la khel leh lo; June khan man nei loin Monaco hi a zawm a, training pawh a nei pangngai leh thei tawh.

Pocognoli chuan, "Paul pawh a inkhel thei ve ṭep tawh, a inkhelh theih hunah chuan a theihna sang tak kha chhawr thiam kan tum ang. Manchester United leh Juventus tana a chet ṭhat ang kha hmuh leh theih kan beisei," a ti.

Pogba khelhna Monaco hi Ligue 1 table-ah parukna an ni mek a, nizan khan Nantes nen inkhelin result kan hre hman lo.