Sinner tan kawng a inhawng

Jannik Sinner chuan Carlos Alcaraz tlanpela world number 1 nih theihna remchang a nei - Paris Masters khelh laiah a champion a nih chuan ranking sang ber dinhmun a luah ang.

World number 1 Alcaraz hi a match hmasa berah a chak lo nghal a, world number 2 Sinner hian nizan khan a match hmasa ber atan Zizou Bergs a hmachhawn thung a ni.

Italian tlangval Sinner chuan, "Thil theih chu a ni a, mahse a harsa dawn. World number 1 ni chunga season khar phei chu beisei chi a ni lo. Tun dinhmunah chuan number 1 nih hi ka ngaihtuah phak rih lo.

"Tun season ranking hi chu ka kuta awm a ni lo," a ti. Paris Masters bakah hian ATP Finals khelh tur an la nei a, nomawi inchuh bakah ranking point inchuh boruak a lian chho dawn hle.