Chelsea an chak hram

Sunderland laka tlawm hlim Chelsea-in League Cup-a hnehna chang turin vanneihna an mamawh a, an mikhualna ramah Wolverhampton Wanderers chu 4-3 in an hneh.

Chelsea hian 3-0 ngawtin hma an hruai hman a, Andrey Santos, Tyrique George leh Estêvão Willian te chuan goal khat ṭheuh an khung a, 3-0 a chawlhlawk an hman avangin an thla a muang hle.

Mahse, second half ṭan aṭanga minute thumna lekah Tolu Arokodare chuan si phurh a sut ṭhen a, David Wolfe-a'n minute 73-naah a belhchhah bawk.

Chelsea dinhmun a derthawng a, an dinhmun duhawm lohna belhchhah turin, hliam vanga lar 10 zet a chawlh hnua lo kir, Liam Delap chu a yellow card pahnihna pek a ni a, player kim loin Blues an khel zui!

Mahse, hun tawp nan minute khat chiah a awm tawh tihah Gittens chuan an goal lina a khung a, hun pek belhah Wolves tan Emmanuel Agbadou-a'n khung belh ve leh mah se, goal an chhuah hnem hret a, 4-3 in Chelsea an chak.

Chelsea-in hnehna chang mah se, Delap an chhawr zui thei lo tur chu an tan thil pawi a tling - tlarhmaah Joao Pedro-a'n hliam tenau a nei a, November 11, Inrinni zanah Premier League khel turin Tottenham Hotspur an lenchilh dawn zui.

Hetiang boruak karah Delap a dam leh tak avangin an lawm viau a, mahse, Spurs hmachhawn thei lo turin hnawhchhuah a ni si - Chelsea hian an match hnuhnung pakuaah red card vawi ruk an hmu tawh!