Timberwolves lakah Lakers an chak

Nimin zing NBA regular season inkhelah Los Angeles Lakers chuan Minnesota Timberwolves chu 116-115 in an hneh a, an chak theih nan point 28 neitu Austin Reaves a langsar leh hle.

Lakers hian hliam vangin an player ṭha pahnih LeBron James leh Luka Doncic te an chhawr thei lo, anni pahnih awm loh karah Reaves hian mawhphurhna a lo hlen ṭha takzet.

Inkhel dangah Memphis Grizzlies tan Ja Morant chuan point 28 neiin, a team hi Phoenix Suns lakah 114-113 in hnehna a chanpui a, tun hnaiah Suns hi a zawnin vawi li ngawt an tlawm ta a ni.

New Orleans Pelicans an la che chhe chhunzawm - nimin zing khan Denver Nuggets lakah 122-88 in an chak lo; Western Conference team zingah anni chak hi tun season kal laia chak ni hmel la hmu lo an ni.

Orlando Magic pawh a zawna vawi li an chak lohna ni turin Detroit Pistons lakah 135-116 in an tlawm. Atlanta Hawks erawh a tir lamah 12-0 ngawtin hnufual hmasa mah se Brooklyn Nets chu 117-112 in an hneh a, inkhel dangah Brooklyn Nets chuan Cleveland Cavaliers chu 125-105 in an hneh ve bawk.