Zverev-a'n fiahna paltlang

Paris Masters 1000 khelh mekah champion lai Alexander Zverev chuan fiahna hautak a hmachhawn nghal, a match hmasa berah Camilo Ugo Carabelli chu 6-7 (5-7), 6-1, 7-5 in a hneh hram.

German tlangval Zverev hian theihna sang tak a nei a, a thleng sang ṭhin viau. A bik takin Masters 1000 hi a khel ṭha ṭhin, tun ṭumah pawh hian nomawi hum thei tura ngaih a ni - Arthur Cazaux hnehtu Alejandro Davidovich Fokina nen an intawng leh ang.

Paris Masters match hmasa lamah Carlos Alcaraz chu a lo tla nghal tawh, world number 1 Alcaraz ang maiin Zverev pawh hi buai thei dinhmunah a ding hman, mahse set a hloh hmasak hnuah huaisen takin a tho chhuak.

Inkhel dangah Felix Auger-Aliassime pawh a chak - Canadian star hian ATP Finals 2025 khelh a beiseina chhi nung zel turin Alexandre Muller chu 5-7, 7-6 (7-5), 7-6 (7-4) in a hneh.

ATP Finals-ah hian ranking sang zual pariat an inlan dawn, tun dinhmunah Auger-Aliassime hi pakuana dinhmun luah mektu a ni a, a thiam zual inelna hmachhawn thei tur chuan hmasawn hret a la mamawh tihna a ni.