Manipur hneh loin Mizoram an tla

Sub Junior Boys National Football Championship-ah Mizoramin group stage-ah bul ṭan ṭha mah se a tawp an khar ṭha tawk lo a, nimin khan Manipur lakah 3-2 a an chak loh avangin semifinal an thleng zo lo.

Amritsar-a inelna neihah hian Mizoramin match hmasa pahnihah goal 23 khungin Manipur aia an khung tam zawk avangin match tawp berah hian draw a tawk. Mahse, minute riatna lekah Sanatomba Singh-a'n a khung avangin Manipur dinhmun a ṭha nghal a, Sanatomba bawk hian second half ṭantirha a khung bakah minute 66-naah hattrick a siam.

Mizoramin hun tawp lamah Gideon Lalrinchhanna leh Jacob Malsawmsanga ten khung mah se goal dang khungna turin hun a awm tawh lo. Coach K. Lalrindika hoten Mizoram tan theihtawp chhuah mah se an tum ram an thleng zo ta lo.