Kan champion thei - Saka

Arsenal forward Bukayo Saka chuan an squad neih dan a thlir a, tun season chu Premier League champion a nih theih ngei a rin thu a sawi - Gunners hian point liin hma an hruai fal mek a ni.

Hale End aṭanga inzir chhuak Saka chuan, "Arsenal player kan nih chuan eng angin nge season kan hman a, eng dinhmunah nge hun tawp kan hman dawn tih zawhna kan dawng tam ṭhin hle, kei ngei pawhin he zawhna hi ka dawng fo.

"A chang chuan kan dinhmun leh nihna hi kan zirchiang nasa lutuk a, kan nih tur ang kan nih phak loh phah emaw tih mai theih te a ni. Ka ṭhiante ka enkual a, theihna nei sang tak tak an ni hlawm.

"Hliam kan nei nual a, player pawimawh tak tak an ni. Season dangah chuan hliam kan neih lai hian kan buai ṭhin, kuminah erawh nghet takin kan ding thei a, hei hian kan squad a chhahin player kan tha rual tih a lantir.

"Kum dang ang bawkin chetsual chang chu a awm thei tehmeuh mai, chutiang karah pawh chuan tun season chu kan champion theih ngei ka ring," tiin a sawi a, coach Mikel Arteta chungah rinna a nghat ngam bawk a ni.

Arsenal hian zanin dar 8:30 hian Premier League khel turin Burnley an lenchilh ang.