Sinner leh Zverev an chak zel

Jannik Sinner chuan Francisco Cerundolo chu 7-5, 6-1 a hnehin Paris Masters khelh laiah quarterfinal a lut a, inkhel dangah Alexander Zverev pawhin straight set hmangin hnehna a chang ve bawk.

Italian tlangval Sinner hi a champion a nih chuan Carlos Alcaraz nek chhuakin world number 1 a ni dawn, kawng dik a zawh chho mek - tun hnaiah a zawnin match 23 hnehna a chang tawh, inrintawkna pawh a nei sang hle.

Grand Slam vawi li champion tawh Sinner hian nizan khan Ben Shelton a hmachhawn leh a, result kan hre hman lo. Shelton hian inkhel dangah Andrey Rublev chu 7-6 (6), 6-3 in a lo hneh ve bawk.

Champion lai Zverev pawh a chak zel - German tlangval hian Alejandro Davidovich Fokina chu 6-2, 6-4 in a hneh, a hmabak chu Paris Masters 2020 champion Daniil Medvedev a nih avangin a hautak ang.