Mbappe chhantu Verratti

Marco Verratti chuan Paris Saint Germain tana a khelh pui ṭhin Kylian Mbappe chuan Paris club chu nasa takin a ti hmasawn tih a sawi a, a chhuahsan tak avanga Champions League champion ta anga an sawi chu a dik loh thu a sawi bawk.

PSG hian UCL nomawi chawi an tum nasa ṭhin hle - Mahse, Lionel Messi, Neymar leh Mbappe an nei chung pawhin an hlawhtling thei lo. Player ṭha pathum hi an chhuak a, an zingah Mbappe a chhuak hnuhnung ber.

France captain hian goal tam tak a khung ṭhin a, mahse UCL-ah a champion pui thei lo. Luis Enrique-a'n a chhuah dawn hnaiah phei chuan Mabppe hi a chhawr rim lo, a chhuah hmain a tel loin team a din hnan a ni.

Mbappe tih el nan mi tam tak chuan a chhuah hnuah Paris club chu hlawhtling zual sawt angin an sawi, inhnial theih tak a ni ang. Veratti chuan, "Kylian a chhuah tak avanga Champions League an champion anga sawi kha chu a fuh lo.

"Ani kha chu season khata goal 50 bawr khung thei a ni a, a hunlai pawh khan PSG kha nasa takin hma a sawn pui a, inelna lianah khan semifinal leh final pawh kan thleng. Mahse, Real Madrid ṭhat lai a nih avangin a harsa a ni," a ti.

Mbappe hian Real Madrid a zawm a, Spanish club tana a season hmasa berah chuan a hlawhtling lo. Tun season kal laiah eng nge an thlen dawn sawi lawk theih a la ni lo bawk, a chhuahsan tak PSG hian Ligue 1 hma an hruai mek thung.

PSG hian zanin dar 9:30 hian league match khel turin Nice an mikhual dawn a ni.