A bul ṭan nan Swiatek-i a chak

Hmeichhe tennis thiam zual pariat inelna - WTA Finals an khel ṭan a, an match hmasa berah Iga Swiatek leh Elena Rybakina ten hnehna an chang nghal.

Riyadh, Saudi Arabia-a inkhelah Wimbledon champion Swiatek chuan Australian Open champion Madison Keys chu 6-1, 6-2 in a hneh, hnehna chang tur hian darkar khat leh minute khat chauh hun a hmang.

Serena Williams Group inkhel dangah, seeded parukna Rybakina pawhin minute 57 chhung lekin Amanda Anisimova chu 6-3, 6-1 a hnehin bul a ṭan fuh hle.

Steffi Graf-i Group-ah Aryna Sabalenka, Coco Gauff, Jessica Pegula leh Jasmine Paolini te an awm ve thung, group pakhata player tin an inkhelh kual vek hnuah a sang zual pahnih ten semifinal an lut ang.