Sinner lakah Zverev mualpho

Paris Masters semifinal-ah Alexander Zverev a tla, champion lai Zverev hi Jannik Sinner lakah 6-0, 6-1 in an tlawm - player ṭha leh nomawi kawl mektu tan game khat chauh lak hi mualphona a tling.

Italian tlangval Sinner hi tun hnaiah a khel ṭha hle, indoor bikah a zawnin match 25 a chak tling tawh - nizan khan Felix Auger-Aliassime nen an inkhel a, a chak a nih chuan Carlos Alcaraz nek chhuakin world number 1 dinhmun a luah thei dawn a ni.

Semifinal inkhel dangah Felix Auger-Aliassime hian Alexander Bublik chu 7-6, 6-4 in a lo hneh ve bawk a, ani pawh hian Sinner hnehna nomawi a chawi thei a nih chuan ATP Finals khel turin a inhlangkai ve chiah bawk ang.

Zverev erawh atan kum ṭha a ni thei lo, tun hma lamin Sinner lakah a chungnung ṭhin. Mahse, tun hnaiah erawh a zawnin vawi li lai a ngam lo ta, an intawn tawhna belhkhawmah pawh Sinner hi 5-4 in a chungnung ta zawk a ni.