ADFA II Division League Vawiinah an khel chhunzawm dawn

Aizawl District Football Association buatsaih - ADFA II Division League chu vawiin hian Chite Veng Playground-ah khelh chhunzawm a ni ang.

Group B an inlan dawn a, match thum an khelh tawh chinah Jes FC, Zonuam hian point kua hmuin hma an hruai mek a, anni bakah hian FC Thakthing Veng te chu an la chak kim vek bawk.

Zirtawpni khan Group A chuan round 4 an khel zo tawh thung a, chak kim thei awmchhun Chite Veng FC chu a chung berah an awm.