Vawiinah MFA Under 17 final

Zawlbuk Zodin Memorial MFA Under 17 League final chu vawiin tlai dar 4:00 hian RG Stadium-ah Aizawl FC leh SYS FC ten an khel dawn a, inkhel hi Zonet-ah pekchhuah a ni ang.

SYS player tam zawk hi Regional Sports Training Centre, Saidan-a mite an ni a, Mizoram chhunga football zirna changtlung ber a nih avangin tun ṭum kum bithliah inelnaah pawh champion tura rinkai ber an ni.

Chutihrualin Aizawl FC hian kalphung nghet an nei a, hun rei tak I League an khelh tawh avangin kum bithliah inelnaah pawh an tlo hle. SYS khing pha ber tur chu Aizawl FC an ni a, final hmuhnawm tak a beisei theih ang.