BWF World Tour Finals khel tur Sindhu

December 11-16 chhung hian BWF World Tour Finals chu Guangzhou, China-ah kelh a ni dawn. Badminton player thiam zual pariat inelnaah hian PV Sindhu a inlan ang.

Season hmasa khan he inelnaah hian Sindhu hi a champion a, kuminah world champion a ni zui leh bawk. Beisei angin nomawi dang chawi hnem tawk lo mah se tun ṭumah hian champion tura rinkai zinga mi a ni leh dawn.

Kumina ranking point hmu hnem zual pariat an inlanna turah hian Sindhu chauh hi Indian player inlan tur a ni. World number 1 hlui Saina Nehwal leh Kidambi Srikanth te chu season an hman ṭhat loh avangin an inlan phak dawn lo a ni.