Swiss pawisaah Federer!

Switzerland chuan tennis legend Roger Federer-a hlimthla chu an ram pawisa thir 20 Swiss francs silver-ah an nemkai dawn a, an ramah chuan mihring an dam lai ngeia pawisaa an lem nemkai hmasak ber a ni ang.

Grand Slam vawi 20 champion tawh Federer hi tennis huang chhungah chuan player ropui bera ngaih a ni a, tennis court chhunga a hlawhtlinna bakah hian kawng hrang hrangin midang tana entawn tlak a ni bawk.

Kum 38 mi Federer chuan, "Switzerland leh Swissmint ten hetiang thil ropui min tihsak avang hian ka lawm takzet," tiin a sawi. Federer hi dam lai a ni satliah lo a, a infiamma ngainat ber a khelh lai ngeiin hetiang dinhmun hi a luah.

Swiss pawisa chhertu Swissmint chuan an ruahman danin nakkum May thla hian 'Federer SFr50 gold coin' pawh tihchhuah an tum bawk.