Mizoram cricket team an lo haw

Cricket inelna Women's U-19 T20 Trophy 2025 Plate Group khelh zawh taka champion Mizoram team chu nimin khan an lo haw a, Cricket Association of Mizoram (CAM) buatsaihin Lengpuiah lo hmuah an ni.

India rama cricket thuneitu sang ber Board of Control for Cricket in India (BCCI) hnuaia inelnaah a vawi khat nan Mizoram hi an champion a, final-ah Manipur chu run 72-in an hneh.

Plate Group champion an nih avangin season tharah chuan Mizoram hi Elite Group-ah an inlan tawh dawn a ni.