Mizoramin bronze pahnih an la

69th National School Games Boxing U17 Boys & Girls Championship chu Itanagar, Arunachal Pradesh-ah October 28 - November 3, 2025 chhung khan neih a ni a, Mizoramin boxer pariat tirin Isak Lallawmkima (54-57kg) leh Malsawmdawngkimi (46-48kg) ten bronze medal an la.

National School Games-a Mizoram team hi Sports & Youth Services Department leh School Education Department ṭangkawpin an tir a ni a, SYS coach ṭha pahnih Lalfakzuala leh R. Lalbiaksangi ten an hruai a ni.

Lunglei rawlthar Isaka hi Lunglei SAI-a awm mek a ni a, Phullen tleirawl Msi hi Aizawl SAI a awm a ni thung. Medal la pahnih Isaka leh Msi te hi Khelo India Youth Games khel turin an tling.

Mizoram aiawha kal zingah Joshua LC Beiriapha (57-60 kg) leh Esther Lallawmsangi (63-66kg) ten quarterfinal an lut a, anni tan pawh hian Khelo India Youth Games khelh theih dan kawng a awm.