Chawhnu dar 1:45-ah India Vs Australia

Vawiin chawhnu dar 1:45 hian India leh Australia ten T20 match vawi nga an khelh tura a vawi li nan an khel dawn a, an inkhelh tawhah 1-1 in an inhnehtawk mek.

Ruahsur vangin match hmasa ber khelh theih loh hnuah Australia-in hnehna an chang hmasa zawk a, a vawi thumnaah India-in wicket ngain Bellerive Oval-ah hnehna an chang.

India tan Washington Sundar a che ṭha a, thi loin 49 runs a siam. Opener chhuanvawr Abhishek Sharma-a'n a theihna tak a lantir lo a, chutihrualin T20 batting ranking-a no. 1 chelhtu Abhisek hian an chak loh ṭumah erawh 68 runs a siam pha dawn.

Men in Blue hian series an la dawn a nih chuan Carrara-a an inkhelh hunah hian chak a ṭul dawn a, captain Shubman Gill pawhin mawhphurhna a lak a ṭul ang.