Gauff lakah Paolini beiseina tham ral

WTA Finals khelh laiah Coco Gauff chuan Thawhlehni zan khan Jasmine Paolini chu 6-3, 6-2 a hnehin semifinal lut turin a dinhmun a siamṭha, chak lo Paolini tan erawh a sang zual pali zinga inhlangkai turin kawng a ping thung a ni.

American star Gauff hian a match hmasa zawkah tihsual a ngah hle, rinkai ni chungin Jessica Pegula a hneh lo. Paolini lakah erawh a match hmasa lama a tihsual tam tak a siamṭha a, hnehna a chang zui bawk.

Champion lai Gauff chuan, "Chak lo ni ila chuan ka zinkawng a tawp thei tih ka hria, chutiang kara hnehna ka chang thei hi ka lawm takzet a ni. A hmasa berah chuan service tih dik hmasa kha a pawimawh," tiin a sawi.

Steffi Graf Group inkhel dangah, seeded pakhatna Aryna Sabalenk chuan Pegula chu 6-4, 2-6, 6-3 in a hneh a, semifinal erawh a la lut chiang bik lo, straight set hmangin chak ni se la chuan a tlang ang, mahse a dinhmun ti chiang turin a nghah leh rih a la ngai.