Greece ramah Djokovic a chak

Novak Djokovic chuan inelna a hmachhawn ve leh thei tawh. Serbian star hi Hellenic Championship-ah inlanin, a match hmasa berah Alejandro Tabilo chu 7-6 (3), 6-1 in a hneh.

Kum 30 hnuah Greece hian tennis inelna lian a thleng ve leh ta chiah a, player ropui Djokovic a inlan avangin ngaihven a hlawh leh nghal bawk, a match hmasa berah fiahna a paltlang a ni.

Grand Slam vawi 24 champion tawh Djokovic chuan, "Athens hi chu ka tan in ang mai a ni a, tennis chauh ni loin a hmun leh mi chengte hi ka ngaina, anni pawhin min ngaina ve bawk," tiin a sawi.

Djokovic hian hliam vangin Paris Masters a khel thei lo a, tunah erawh a dam tawh. Hellenic Championship bakah hian ATP Finals pawh khelh ngei a tum - Turin khawpuia inelna hmachhawn turin hming a pe tawh a ni.