Vawiin aṭangin Mega Boxing 2025 Weigh-in leh medical nei ṭan dawn

Sailo Agencies MIZBA Mega Boxing 2025 chu November 14, Zirtawpni aṭangin ṭan a ni dawn. MSSC Boxing Hall, Ramhlun Sports Complex-ah vawiin aṭangin weigh-in leh medical neih a ni dawn a, ni hnih chhung neih tur a ni.

Organising committee chuan tun ṭuma inbuk hun nang hman lo tan inelna ṭan ni November 14, Zirtawpni chawhma dar 10:00 hian R Dengthuama Indoor Stadium-ah weigh-in leh medical hi a buatsaih leh ang.

Inelna ṭha taka a kal theih nan November 8, Inrinni hian referee leh judge turte tan One Day Refresher Course neih a ni dawn a, resource person tur hi Wazir Bin Qutub a ni dawn. Wazir hi International 2 star referee leh Assam Amateur Boxing Association-a Vice President ni lai a ni.

Mega Boxing 2025 hi Mizoram Boxing Association (MIZBA) buatsaih a ni a, R. Dengṭhuama Indoor Stadium, Mualpuiah neih a ni ang. MIZBA chuan amateur boxing-a Mizoramin hma a sawn theih nan inelna hi a buatsaih a, 9th Elite National Boxing Championship-a Mizoram aiawh tur thlanna a ni nghal bawk ang.