Al Nassr lakah Goa an tlawm nawn

AFC Champions League 2 inkhelah FC Goa an la chak thei lo - Saudi Arabia club ṭha Al Nassr chuan 4-0 in an sawp a, Goa-a 2-1 a an ngam loh tawh hnu hi Indian Super League club tan an sang lutuk hret.

Al Nassr tan Saudi Arabia international Abdulrahman Ghareeb chuan goal hnih khungin, Mohammed Marran leh Chelsea forward hlui João Félix ten goal khat ve ve an khung.

Goa tan hian Mizo fullback Jerry Lalrinzuala leh midfielder Ayush Chhetri te chu bench aṭanga luhtir an ni a, Mizoram player pahnihten an team chakpui zo lo mah se, Al Nassr meuh hmachhawn hi hahipa sawi tham a tling ang.

Al Nassr hian an player langsar ber Cristiano Ronaldo inlantir lo mah se, Liverpool forward hlui Sadio Mane, Inter Milan defensive midfielder ṭhin Marcelo Brozović, Joao Felix leh Santos winger beiseiawm ṭhin, kum 20 mi Ângelo Gabriel te an khelhtir a, Jerry leh Ayush tan chuan tawnhriat ropui a tling.

Asia khawmualpuia club inelna sang ber dawttu AFC Champions League 2-ah FC Goa hi match li inlan tawhin, an la tlawm vek a, table mawngphah an luah mek.