Saints-ah Romeu a kir

Southampton chuan an club nei loa awm mek an player hlui Oriol Romeu chu an lakir. Kum 34 mi Romeu hian season liam ta khan Barcelona aṭangin loan hmangin Girona-ah a khel a, match 25 zet inlan mah se loan hun a tawp hnuah Catalan club nen inhriattiamnain contract an titawp.

Spanish defensive midfielder Romeu hi Barcelona academy chhuak a ni a, Chelsea leh Southampton tan a khel tawh. Saints tan kum 2015 aṭanga 2023 thleng a awm a, season riat chhungin match 256 khelin goal riat a khung.

Season liam ta khan Saints hi Premier League aṭangin an relegate a, Championship-ah awmin 19-naah an awm mek. Tun dinhmunah Premier League-a let aiin League One-a tlak a hlauhawm zawk a, Romeu hian Saints hi dinhmun ṭhaa dah a tum dawn a ni.