India-in Australia an hneh

India-in November 6, Ningani khan Australia nen T20 match nga an khelh tura match lina an khel a, 48 runs-in hnehna an chang. Mikhual team India hian bat hmasain 167/8 runs an siam a, Aussies hian over 18.2-ah 119 runs siamin an thi fai vek.

Heritage Bank Stadium, Carrara-a inkhelah ṭhumvawrah Australia an vannei a, vawm hmasak an thlang. India tan captain Shubman Gill-a'n a theihna a rawn lantir ta a, ball 39-ah 46 runs a siam.

Abhishek Sharma (28), Shivam Dube (22) leh Axar Patel (21*) ten run 20 an siam tling vek a, target sang taka lang ni lo mah se Carrara-ah chuan an target siam hi a ṭha pha.

Australia bat hun a thleng a, captain Mitchell Marsh (30) leh Matt Short (25) ten bul an ṭan chhe lo a, mahse opener pahnih thlawp zo an awm tawh lo. India tan Washington Sundar a rawn che ṭha a, wicket thum lain run thum chauh a pe. Chutihrualin wicket pawimawh latu Axar Patel (20/2) leh Shivam Dube (20/2) te India chakna kawngah kan pawimawh hle.

November 8, Inrinni hian The Gabba, Brisbane-ah match tawpna ber an khel dawn a, Australia tan series lak theih ni tawh lo mah se hnehna an chang a nih chuan an inhnehtawk thei ang.