RnJ refresher course an nei

MIZBA chuan Sailo Agencies-MIZBA Mega Boxing a Referee & Judge tur te pualin Inrinni khan ni khat awh Refresher Course an nei a. Chawhma lamah White Stone Conference Hall, Ramhlunah theory class neiin chawhnu lamah MIZBA Boxing Hall, Ramhlun Sport Complex-ah practical class neih a ni.

MIZBA president C. Lalṭanpuia chuan, "Boxing inelna pawhin hma a sawn zel a, referee leh judge te pawhin hma an sawn ve zel a ngai. Refresher course chhimtu zawng zawngte theihtawp chhuahin kan in update ve zel ṭhin tur a ni," tiin a fuih.

Refresher Course-a resource person hi Wazir Bin Qutub a ni a, International Boxing 2 Star Referee & Judge niin Mizoram referee leh judge te a fak hle.

Sailo Agencies-MIZBA Mega Boxing hi November 14, Zirtawpni aṭangin R. Dengṭhuama Stadium, Mualpuiah neih ṭan a ni ang. Tun ṭum Championship hi 9th Elite National Boxing Championship-a Mizoram aiawh tur thlanna a ni dawn.