India-in Australia an hneh

India-in Australia lakah series 2-1 in an la a, khualmuala Aussies an hneh avangin nakkum February-a Sri Lanka nen T20 World Cup an inthlen ṭawm turah inrintawkna an ngah sawt ang.

November 8, Inrinni khan Brisbane-ah match nga an khelh tura vawi ngana khelh a ni a, over 4.5 lekah Abhishek Sharma leh Shubman Gill te inkawpin 52 runs an siam hman. Mahse, ruahsur vangin inkhelh chhunzawm theih a ni lo.

India hian Melbourne-ah Australia hneh lo mah se Horbart leh Gold Coast-ah hnehna an chan ve ve avangin 2-1 in series an la. Tun ṭum series-ah hian Brisbane bakah match hmasa bera Canberra-a an khelh ṭumin ruahsur vangin inkhelh theih a ni lo.