Vawiin aṭangin Veteran Football

G90's buatsaih 4th GIG Motors Veteran Football Tournament 2025 chu vawiin aṭangin 1st BN MAP Ground, Armed Vengah khelh a ni dawn. Inelnaah hian team 20 an tel a, group pangaah ṭhen an ni a, group tina pakhatna bakah pahnihna ti ṭha pathum ten quarterfinal an lut dawn.

Quarterfinal aṭangin knockout-a khelh tur a ni. Inelnaah AMC Ward pakhat aṭangin team khat zel a tel theih a, vote neihna ward/constituency-ah chauh a khelh theih. Team tinah player 30 a ziahluh theih a, match khatah player pasarih zel thlak theih a ni.

Veteran football hi kum 40 chunglam tan a ni a, playing XI-ah hian kum 40 chunglam (1985 leh a hmalam) pali a awm theih a, kum 45 chunglam (1980 leh a hmalam) panga bakah kum 50 chunglam (1975 leh a hmalam) pahnih a tel theih bawk.