Match hmasa berah Mizoram an chak

Board of Control for Cricket in India (BCCI) hnuaia inelna Men's U-23 State A Trophy plate group match hmasa ber chu Pathianni khan khelh a ni a, Mizoram chuan Nagaland chu wicket li in an hneh.

Mohali, Punjab-a inkhelah hian ṭhum vawra vannei zawk Nagaland hian vuak hmasak an thlang. Over 36.1-ah out vek in run 157 an siam. Mizoram tan Ṭhuampui tlangval Sahil Sharma chuan wicket li a la a, Nasib Rai (Bualpui) chuan wicket thum lain Lalhmangaihzuala (Armed Veng) in wicket khat a la bawk.

2nd Innings-ah Mizoramin over 45.4 chhungin 160 an siam a, wicket ruk hlohin an target an umphak a ni. Zemabawk tlangval Vanlalpekhlua Zote-in run 59 (68) a siam a, Ramhlun Venglai tlangval, captain ni bawk Johan Lalbiakkima'n run 42(82) a siam a, Nasib Rai chuan run 23*(73) siamin Hunthar tlangval Lalduatliana'n run 20*(37) a siam bawk.

Mizoram hian an group match pahnihna atan vawiin hian Sikkim an hmachhawn leh ang.