A tawpah PSG an vannei zawk

Paris Saint-Germain chuan Lyon hneh tur leh Ligue 1 hmahruaitu ni turin vanneihna an mamawh - Luis Enrique naute hian Pathianni zan inkhelah Lyon chu 3-2 in an hneh hram.

Lyon khelmuala inkhelah Warren Zaire-Emery leh Khvicha Kvaratskhelia te hmangin PSG-in vawi hnih hma an hruai a, mahse mualneitu lamin Afonso Moreira leh Ainsley Maitland-Niles te hmangin an sut.

Hun tawp dawnah Lyon midfielder Nicolás Tagliafico chu yellow card pahnihna hmuh vangin hnawhchhuah a ni a, player tam zawk an nih aṭang minute hnih hnuah PSG lamin Joao Neves hmangin chakna goal an khung.

Season hmasa nomawi chawi theih hrang hrang la kimtu PSG tan tun season chu a awlsam lo. Ligue 1 match 12 an khelh aṭangin point 27 an hmu tawh a, an hnuaia awm Marseille leh Lens ten point 25 ve ve an hmuh avangin an kal fal thei rih lo.