Engatinge Supreme Court-ah ber kher?

AIFF-in a ruahman angin ISL commercial partner tur a hmu lo a, Supreme Court-ah teh daih a harsatna a thlen hi tam takin an hrethiam lo a, "AIFF hi eng vanga Supreme Court hnena kal nge a nih?" tiin zawhna an nei.

Indian football thuneitu sang ber AIFF inkaihhruaina, AIFF Constitution hi Supreme Court-in a pawmsak a ni a, thla hmasa lawk khan AIFF Special general body meeting chuan a pawm.

Mahse, he AIFF Constitution thar hian AIFF hi league inrelbawlna leh thil dang dangah thuneihna sang tak a pe a, he a thuneihna hi AIFF pawh hian ISL ruahmanna tharah hian hman a tum.

He AIFF thuneihna sang tak hi commercial partner ni tura sumdawng hausa ṭhenkhat an zuan luh duh lohna chhan niin a lang a, hei vang hian AIFF hian Supreme Court thurawn lak phawt a, nem zawka kal a rem ang em, tia ngaihdan lak a tum niin a lang.