AIFF thawhpui duh loh chhan chu

Engvangin nge company lianten ISL commercial partner nih chu an duh loh? tih chu zawhna lian tak a ni a, a kil kelin zuk hriat vek sen ni lo mah se, AIFF ruahmannaah an thawhpui tur tana sum hlohna tur a tam lutuk niin a lang.

AIFF hian an thawhpui company chu AIFF hnena kum tin vaibelchhe 37.5 theh lut turin an beisei a, hei aia ISL aṭanga an sum lakluh belhkhawm aṭanga 5% chu a tam zawk a nih chuan 5% zawk hi dawn an beisei bawk.

Mahse, hei chauh hi AIFF thawhpui hian an tum tur a ni lo - event production, marketing, central rights distribution, prize money, VAR leh grassroots development-ah te an sum an sen a ngai dawn.

AIFF leh FSDL inremnaah hian, FSDL hian AIFF hnenah kum khatah vaibelchhe 50 a pe ṭhin a, mahse, ISL inrelbawlnaah thuneihna pumhlum a nei thung. AIFF-in Vbch 37.5-ah tihniam mah se, an sum sen belh tur ngaihtuahin leh, thuneithna an chan chin tur ngaihtuahin, tuna AIFF ruahmanna hi an thawhpui tur lam tan chuan a ṭha lo zawk.

Uluk zawka zirchian chuan, ISL commercial partner tan hian kum khatah vaibelchhe 200 vel hlohna chance a awm nia sawi a ni a, mi a ni leng lo tan chuan ISL enkawl duha chhanna lo theh luh chi a ni lo.